甘の季節

营业中

休息中

琴晚好开心，同个朋友食完西餐仲未倾够，一落楼下见到间细细地嘅甜品店，二话不说入去食个desert再倾过。用手机点单叫咗两个杨枝甘露，我同个friend都钟意食芒果，佢要芒果加雪糕，我要芒果加凉粉。雪糕只有云呢拿一款，捞埋啲西米就好快溶，所以阿朋友话要食得好快，佢仲加咗芋圆，但我唔钟意芋圆嘅口感，好硬。我嘅芒果杨枝甘露加凉粉配搭就好完美，芒果仲系时令季节，够甜，加埋凉粉，一软一爽就好夹。值得一题系有位女员工好好，走嚟提醒我用手机落单嘅配搭会叫贵咗，帮我改返，服务态度相当好。埋单100蚊多少少，两个甜品份量十足，喺尖沙咀呢啲咁嘅地段价钱算好合理，而且坐得好舒服。