麵屋豚豚拍子 x 辛味屋 (已結業)

今日去完宝琳探朋友之后，顺便系附近揾野食，真系唔去唔知道原来新都城多左咁多唔同既餐厅，因为想食拉面既关系，所以我地就拣左哩间日式料理餐厅试下。餐厅环境日式，而且有大量卡位，坐得舒服。餐牌上面仲有好多午市自选套餐可以选择，价钱都几实惠。🍜午市自选拉面套餐 $69海老拉面 +$8佢有八款拉面可以选择，因为我自己本身好钟意樱花虾，所以专登加$8要咗哩个海老拉面，拉面上面樱花虾干同木耳丝既数量唔少，仲有两只虾同埋一大块叉烧，汤底味道浓郁，饮得出浓浓嘅猪骨汤味，拉面系幼面，软硬度适中，捞埋应该樱花虾干一齐食味道唔错。🍢任选一款小食：串烧鸡软骨鸡软骨有两串，烧得啱啱好，够晒香口惹味，而且非常好咬，好食推荐👍🏻🍹加$8加配冻柠茶🍱烧鲭鱼+猪肉便当 $69便当有两旧烧鲭鱼，好多豚肉同埋粟米沙律，豚肉入口juicy有肉汁，酱汁微甜，烧鲭鱼鱼肉嫩滑，充满鱼油香，送饭真系一流！🥣配面豉汤🍯加$5配柚子蜜整体黎讲，餐厅环境唔错，午市套餐性价比都几高，值得一试。