熱點點心專門店

营业中

休息中

同爸爸饮茶，拣咗间系屋企附近，即叫即蒸嘅茶馆。热点虾饺皇虾饺同烧卖都系呢度嘅招牌，而且可以两粒咁样叫，就可以试多几款食物，虾饺皮好薄，入面有原只虾，而且非常弹牙，好鲜甜。蟹籽烧卖皇馅有虾、蟹籽同埋猪肉，非常新鲜，肉质弹牙。鲜虾菜苗饺饺皮薄馅靓，有大大只虾，菜苗好新鲜，几值得食。鱼翅灌汤饺有一旧鱼翅，汤底好鲜甜，灌汤饺皮都系好薄，内馅有猪肉、冬菇等，好丰富。蜜汁叉烧肠叉烧馅好多，好香。肠粉皮唔会太厚，而且好滑。蚬介鲮鱼球新鲜炸起，热辣辣，外脆内软，而且好弹牙。蒜香虾春卷炸得好脆口，蒜香唔算好浓，但配搭虾肉好香口！八宝笼仔蒸饭有8款材料，凤爪、排骨、芋头、腊肠、鸡粒、肉燥、冬菇粒同粟米，好丰富，尤其加咗腊肠之后。而且系用咗荷叶蒸饭，食落好香，有淡淡荷叶味。