韓閣 (已結業)

地理位置好方便，地铁站一出入商场上一层就系，位于黄大仙分馆。商场都几阔落，连同餐厅的位置都好易揾到。入到餐厅，感觉好80年式的韩式设计，有些80年代的摆设，同埋一些韩剧的海报。呢间韩式餐厅，少有地菜式的选择十分多元化。由炸鸡、汤锅、铁板、粉面、kimbap、甜品，咩都有，如果多人来食，可以一次过满足你好多个愿望。我地今次来2个人食，要左一个牛骨萝卜汤饭（$138），份量都几大，数数埋埋都8件牛腩左右，钟意佢个牛骨汤浓淡适宜，饮完唔会好渴，加上有多的白萝卜同埋椰菜，系一道好适合送饭，食完又会满足的一道菜。另一个必点是大韩无骨猪手（例牌:$98），呢个好好食，佢个猪手腌得好入味，而且肥瘦得宜，最深刻是佢配埋生菜，可以生菜包的食法，包住猪手、泡菜、腌萝卜、蒜等等，正！蛋卷是我的必食，我地叫左个心多多蛋卷（$88），有泡菜辣酱、紫菜明太子、芝士三重奏。选用日本蛋，仲要蛋卷非常大又厚，一份蛋卷我觉得起码用左半打鸡蛋！佢的蛋卷口感丰富，入面会咬到腌萝卜的口感，味道来讲，我觉得三只都唔错，不过最深刻是紫菜明太子。最后，我都叫左个甜品结尾，八宝仙草配芋圆（$28），本身唔系好大期望，但估唔到真系可以㖞