茶木‧台式休閒餐廳 (已結業)

平日午饭时间都经常嚟到东港城食饭，众所周知呢度确实系一个美食沙漠，食茶木都唔系第一次。今次都想讲下佢个午饭套餐。我哋叫咗红烧牛肉面，台式肉燥饭，两个餐连珍珠奶茶夹埋$135。讲下个前菜拼盘，有芽菜，鸭肾，青瓜，卤水蛋。芽菜稍咸，鸭肾有啲硬但系入味。三杯鸡可以话系麻麻地，用嘅系鸡翼，唔系啖啖肉嘅鸡肉，所以食起上嚟都几麻烦。唔算特别有镬气，都比较咸。至于肉燥饭，肉燥冇咩猪油香，但系分量就啱啱好。牛肉面嘅汤汁唔错， 酱油味鲜甜。牛展都几厚，面质有咬口。整体来讲叫做系东港城比较好嘅一间餐厅，食物质素正常但系讲唔上系地道。