古早台居

营业中

休息中

今日返咗去九龙湾探旧同事，顺便同佢一齐去德福广场揾嘢食。见到5楼有food court，又好干净企理，环境舒服，就入咗去坐低。突然心血来潮想食台湾嘢，就拣咗呢间台湾菜。红烧猪软骨面 $53猪软骨炆到好冧，汤底好有牛肉味好浓。碗面仲有红萝卜、半只卤蛋、白萝卜做配菜好健康。粗身嘅面条，煮到啱啱好，唔会煮过龙碎开。一口盐酥鸡肉燥饭 $49盐酥鸡炸到外脆内软，食落嘅鸡翼都好弹牙，好有鸡肉味。 肉燥方面吸收晒卤水汁嘅精华，猪肉碎唔会过肥刚刚好。超好食嘅台式肉燥饭。青苹果绿茶 套餐加$12好重青苹果味，另外都饮到有绿茶嘅香味。唔会过甜，适合食完好多炸嘢，又唔想济住来饮。大甲芋泥鲜奶 套餐加$17外观超似大理石，打卡一流。饮落去有芋泥味同鲜奶味，非常match。唔会太甜几好饮。