影片
更多
2020-12-09
279 浏览
天气啱啱转冻，最啱食啲暖粒粒嘅嘢！咁啱同fd去左铜锣湾，众多选择之中最后决定试下渝味晓宇，因为重庆火锅辣野听就听得多，食就真系第一次。首先讲下个环境，每张枱嘅距离唔会太近，啲位都好阔，坐得好舒服。张枱亦都唔会太细，啱哂打边炉摆嘢。一入黎已经觉得呢度啲姨姨好亲切，帮我哋安排好晒啲位之后即刻俾个纸袋我哋带住个口罩。跟住陆陆续续递上茶同埋糖水，个糖水绝对唔系Hea，系好足料嘅冰糖雪耳糖水，话惊我地食唔到咁辣就可以随时饮两啖糖水舒缓下，值得加分😆我地叫左蕃茄麻辣鸳鸯锅，汤底果然都系冇令我地失望，一样好足料！有足一个蕃茄，系真蕃茄味，唔系一般沟好多茄膏嘅蕃茄汤。麻辣𠮶边越煲越入味，直头系辣得过瘾！*食得辣嘅朋友，极力推荐你地放个冻豆腐落麻辣𠮶边食！配料方面，我地谂住可以试多啲唔同嘅嘢，大部分都叫左半份，平时喺出面叫半份多数唔够食，呢度绝对冇呢个问题(以三个女仔为基准)上图嘅嘢全部都系每样半份，睇落都已经满足☺️我地嗌左特别啲嘅有香卤猪大肠、鲜虾云吞、手打虾滑、手打四宝圆、鲜龙趸片、白鳝、桂花蚌。不得不赞呢度嘅海鲜都好新鲜，性价比极高！特别系鲜龙趸片同白鳝，好出色！呢度仲会插个牌仔提你渌几耐，当然仲
咁啱同fd去左铜锣湾，众多选择之中最后决定试下渝味晓宇，因为重庆火锅辣野听就听得多，食就真系第一次。
首先讲下个环境，每张枱嘅距离唔会太近，啲位都好阔，坐得好舒服。张枱亦都唔会太细，啱哂打边炉摆嘢。
一入黎已经觉得呢度啲姨姨好亲切，帮我哋安排好晒啲位之后即刻俾个纸袋我哋带住个口罩。
跟住陆陆续续递上茶同埋糖水，个糖水绝对唔系Hea，系好足料嘅冰糖雪耳糖水，话惊我地食唔到咁辣就可以随时饮两啖糖水舒缓下，值得加分😆
4 浏览
0 赞好
0 留言
我地叫左蕃茄麻辣鸳鸯锅，汤底果然都系冇令我地失望，一样好足料！有足一个蕃茄，系真蕃茄味，唔系一般沟好多茄膏嘅蕃茄汤。麻辣𠮶边越煲越入味，直头系辣得过瘾！*食得辣嘅朋友，极力推荐你地放个冻豆腐落麻辣𠮶边食！
6 浏览
0 赞好
0 留言
配料方面，我地谂住可以试多啲唔同嘅嘢，大部分都叫左半份，平时喺出面叫半份多数唔够食，呢度绝对冇呢个问题(以三个女仔为基准)
9 浏览
0 赞好
0 留言
上图嘅嘢全部都系每样半份，睇落都已经满足☺️
我地嗌左特别啲嘅有香卤猪大肠、鲜虾云吞、手打虾滑、手打四宝圆、鲜龙趸片、白鳝、桂花蚌。不得不赞呢度嘅海鲜都好新鲜，性价比极高！特别系鲜龙趸片同白鳝，好出色！
呢度仲会插个牌仔提你渌几耐，当然仲有提供计时器啦！好细心
鲜龙趸片
19 浏览
0 赞好
0 留言
打边炉当然唔少得肥牛，我地叫左一份，有7-8片，每块都肥瘦厚薄都适中，亦都新鲜，食埋其他野，每人食两片都已经够哂！
10 浏览
0 赞好
0 留言
最后梗系食粉收尾啦！我地叫左晓宇苕粉，系阔身嘅薯粉，放落麻辣𠮶边又系有一个令人停唔到口嘅魔力🤣
晓宇苕粉 (半份)
7 浏览
0 赞好
0 留言
总括嚟讲，呢度嘅环境系令人坐得好舒服，干干净净唔会太嘈杂。而且食材新鲜高质，以咁嘅质素，价钱亦比出面打边炉平啦！仲要系铜锣湾中心地带，够哂方便，一定会再帮衬！
3 浏览
0 赞好
0 留言
张贴
