雲川百味

营业中

休息中

洪水桥呢个美食沙漠，有米线食系一件好美好嘅事，不过，我更倾向食红薯粉🥰。云川百味 嘅米线一𩠌一般系44蚊包热饮，加𩠌就每款十蚊，仲要上限四款。见落雨天凉凉地，食咗个猪颈肉无汤拌红薯粉，跟餐附送热柠水。晚餐嚟讲，价钱好亲民。店内座位多店员都多，原本谂住叫外卖，不过见出面落雨都系堂食算。猪颈肉切到幼条咁几香口，薯粉上堆肉碎食到有少少论尽，碗底有少量汤汁去拌薯粉，味道唔会太咸，芽菜唔会太生，薯粉够热又够弹牙。埋单俾现金，未见可以收八达通或者支付宝，如果收银可以再方便d就好喇。