醋娘子 (已結業)

依家香港嘅中菜小店买少见少，食一餐可能要$200至＄300，不过今次我哋揾到间上环嘅上海菜小店。醋娘子距离上环地铁站只有一条街，地理位置方便。餐厅几受欢迎，我同女朋友系六点半左右坐低左后开始多人，亦见到外国人光顾。我哋叫咗小笼包，铁板回锅肉，醉鸡冷面同两杯冻豆浆。小笼包好juicy，一咬落去啲肉汁就涌出嚟，皮嘅厚薄程度亦都啱啱好，而且价钱便宜，＄26就有4粒小笼包，抵食! 铁板回锅肉辣味十足，多肉少配菜，送饭一流！食完比较咸嘅回锅肉，当然要食个比较清淡既醉鸡冷面中和番。面同汁分别选择上海面同芝麻酱，值得一赞嘅系醉鸡。肉质唔硬唔鞋，完全冇骨，充满酒香，煮得恰到好处。食上海菜当然要叫豆浆啦！豆浆唔会太甜，啱晒减肥嘅我哋要特别称赞店员嘅服务态度，佢哋好耐心解答问题，仲好贴心。最后呢一餐大约＄200左右，绝对会再encore！