越男仔 (已結業)

中午入到去发现成间餐厅嘅冷气机都滴紧水，不过唔紧要，因为呢一日真系好想食越南野，是影都好好帮我安排一个冇受影响嘅座位。今次叫咗个下午茶滑鸡河配菠萝红茶，汤底有少少椰子同鸡味，个人略嫌比较咸，配搭佢送嘅三种越南香料，分别有蒜蓉虾油，辣椒同埋青柠，其实已经相当重口味，不过蒜蓉虾油非常出色，所以都建议大家可以试吓。鸡肉本体相当嫩滑，而且已经去晒骨，食落去相当舒服，成个套餐整体＄39加钱特饮另计，我觉得已经值回票价。