串串燒 by Season (已結業)

已经有一排冇食过串烧，喺附近行过见到门口装修唔错，再决定入去食。睇点餐纸价钱比其他舖头都低，而且款式都好多！！嗌左两杯柚子茶，估唔到size系啤酒杯咁大杯，好有惊喜！最吸引最特别嘅系嗌咗玉子肉松烧，焗芝士七味鸡翼同埋清酒煮蚬！未试过食玉子烧系有埋肉松喺上面，冇谂过咁match! 大元贝同鸡翼既芝士好似唔洗$咁激多！而一上枱，兜清酒煮蚬劲香，d蚬都好胀卜卜好肥美！嗌咗唔同款嘅串烧，各款肉类都烧得好滑，肉质唔会柴！鸡软骨脆卜卜，茄子够惹味，因为有好多孜然粉同埋蒜蓉！今次烧烤嘅性价比都好高！价钱唔贵但系质素好好，我下次同朋友食烧烤都会嚟返呢间度食！