大兄冰室 (已結業)

今次轻食者嚟到荃湾，睇中呢间冇饭冰室，撩起条筋想试。立心想试吓佢哋个蒜香芝蔴包餐，见个menu推介日式芥末蟹籽吞拿鱼餐，好似好特别咁，就叫咗一份。个餐已包一个迷你蕃茄蛋螺丝粉，个包我例牌叫少酱，嘢饮叫咗热茉香绿茶走甜。餐具已在枱上，有纸包住一份份，自己攞，感觉卫生，无错，只系‘感觉’🤣，当佢系啦！先上嘢饮，系啰，点解我杯绿咁多泡㗎呢?!我估佢哋卖开台式饮品，揾机摇过嚟啦⋯⋯饮落都系台式绿茶味，味道正常。个饱同个粉嚟到，卖相唔错，大细识中。个饱软熟好食，但唔太食得出蒜香味，料足，有齐生菜、蕃茄、吞拿鱼、蟹籽，口感十分丰富，亦好夹，但D吞拿鱼有啲冻，明显就咁系雪柜攞出来，叮一叮都好呀... 个番茄蛋汤粉却十分不错㖞，汤唔太甜，粉又唔会淋哂咁，炒蛋算几滑...👍🏻👍🏻👍🏻 好多其他餐厅话出名番茄汤底个汤底都太甜🙈$45成个餐都真系抵食嘅，不过下次我会试其他款式嘅饱啰⋯⋯