飯Hub (已結業)

到咗月尾(粮尾)，食lunch都要小心啲拣间平啲嘅食。本身见平平哋试吓谂住颓颓哋又一餐，食完估唔到比想像中有惊喜😳！ 大部分嘅餐基本上都系$40有找，只做外卖。佢哋嘅黑醋猪软骨饭净系$36就有得食！而且除咗主菜之外仲有麻酱沙律同溏心蛋，抵食！味道方面都做得好好，溏心蛋熟度啱啱好而且有少少甜味，比其他普通嘅溏心更为出众；黑醋猪软骨调味恰到好处，软骨煮到足够软身口感令人非常满足，而且黑醋汁都俾得好多，捞饭一流！依个味道依个价钱，性价比甚高！