Him’s (中海日升中心) (已結業)

难得又外出食晏昼，去咗试同事成日提起嘅Hims。晏昼餐牌有好多西餐同日式野食，而且都好吸引。两点后入座仲有折。同事大力推介扒类，今日又好想食咖哩，拎个中间食咗佢皇牌中嘅日式咖哩流心芝士汉堡扒配饭。份量非常大！卖相亦相当吸引，喜出望外系个饭居然系珍珠米，都几有心。咖哩味道亦非常香，配菜类特别系薯仔相当软身。主角汉堡扒有少少偏咸，但够晒厚，一切开果然有流心芝士而且有好多！呢个位加晒分！配餐味噌汤，味道还不错。有多啲豆腐粒就更好。总结呢度性价比几高，下次黎仲想试吓鸡扒芝士肠，望落都好吸引！