Dirty Skillet

营业中

休息中

位处商场角落唔起眼，实际离地铁站五分钟唔使。店舖装修精致梦幻，有个好似回旋形中庭，有大油画同好多小装饰。食物打卡一流，价钱唔贵，今晚拣咗个dinner set配甜品，两个人都系五六百蚊度。 ✦ 经典俄罗斯鲜虾薯仔蛋沙律 份量充足，虾肉去壳、新鲜。好rich嘅蛋黄酱，食落creamy。 ✦ 蒜蓉牛油鸡翼 两只啱啱好，外皮香脆内里滑溜，蒜香味浓郁。 ✦ 新奥尔良Shake Shake 海鲜袋仪式感满泻，视觉嗅觉味觉享受。店员set张细枱喺隔篱，用大胶袋喺客人面前将海鲜同蒜蓉牛油shake均，再摆好盘上菜。上枱海鲜味扑鼻而来。海鲜包括龙虾尾、扇贝、特大西班牙红虾、青口等，仲有西兰花同粟米，样样新鲜、毫无冰鲜感，而且用盘暖住，一路食仲都系热辣辣。 ✦ 芒果拿破仑朋友生日，特意嗌多个甜品。用回旋木马做底盘播住生日歌上，隔篱枱都忍唔住问可唔可以影相。拿破仑芒果味香浓，饼底酥脆，吉士酱滑溜。 另外嗌咗果茶同青提乳酸，同样好睇又好饮。全餐饭有种幸福感，令人享受。