嘆嘆 (裝修中)

又到咗揾好嘢食嘅时间，经过见到呢间台式嘢食好多人，就同屋企人拣咗呢间入去食，依到除左环境舒适之外，落单都系用QR code，非常方便⭐️台式明炉锅 - 豆乳猪仔骨汤 猪仔骨嘅味道完全渗入咗喺个汤底度，加埋 豆乳，令到个汤底非常之清爽，而我哋加咗$60，配上升级套餐，有花甲、肥牛、花枝、竹枝、豆腐、生菜、金针菇同甜品，最值得赞嘅系花甲同埋肥牛，牛肉新鲜，花甲香甜，除此之外，佢仲可以「自由配」，有额外40样嘅嘢食俾你在点，例如牛肩胛、黑毛猪同虎虾等，而嚟到打边炉，泡面当然唔少得，所以我都点左佢，泡面完全吸收咗汤底嘅精华，正⭐️铁路便当 配 卤水鸡髀佢个饭加咗卤肉，而且卤肉数量多，可以完整捞晒成个饭，而且个卤水鸡髀个size都好大，卤水味香，加埋卤肉系一个唔错嘅配搭⭐️芝士肉松卷饼呢个系一款台南嘅卷饼，浓浓嘅蛋香包住成个蛋饼嘅外层，入面仲充满咗肉松同芝士，口感弹牙，充满层次