森．湯咖哩 (已結業)

同朋友去咗响观塘(地铁站行过去8分钟左右)嘅森.汤咖喱，有吉列猪扒同多款汤咖喱、乌龙面选择，系我哋好喜欢嘅食堂😜我地各自点咗一碗 香煎大虾 同 香煎带子 咖哩汤乌龙面，咖喱浓度够而且唔太辣，大虾同带子都先煎香再放上面上面，有紫菜同粟米做配茶，真系可以清晒成碗！见到有串烧set 而且系日本 岩手县鸡，即刻点返个 烧之鸟 串烧套餐，价钱只系$100就有6串👍🏻 我哋拣咗个set有鸡翼、鸡软骨、鸡肉、翠肉瓜、鸡髀菇、秋葵，另外一set就比较多内脏。鸡肉肉质嫩滑又低脂肪，但烧完就香口唔油腻！为食嘅我哋另外加左两个小食，芝士年糕系外面炸香嘅皮包住溶化咗嘅芝士加烟烟韧韧嘅年糕，而 鱿鱼卷 就好似狮子狗卷包住条鱿鱼须，两款都好味😋最后仲叫个 伯爵茶味刨冰 share，香浓嘅伯爵茶酱汁淋上绵绵嘅刨冰上🍧，上面有两粒小丸子🍡，而里面都有宝藏…有一粒粒细小嘅烟靭麻糬而且仲有开心果碎！天气太热啦，食完凉浸浸，感觉好爽😄