雲壽司 (已結業)

朋友话云寿司好食😋。终于约到出嚟一齐去试下佢啦。大约5点几左右去食，可能比较早，个场唔系好多人。我哋叫咗人气之选特上寿司拼盘。佢有寿司师傅系现场手握寿司。等咗一阵寿司就出场啦。个拼盘有10件寿司。件件睇落去都好新鲜。佢仲配埋姜俾你清下口腔，呢个位几细心仲要分量都唔少。个拼盘都算系合格有余。件件都系中上水准，冇话边件系令人留低差嘅印象。我个人偏好赤贝，贪佢够爽口，鲜甜。仲有饱满嘅三文鱼子都好唔错。见佢都有提供日本蚝，好似叫令和怪物。都试咗一个，哗，佢都好爽甜㖞。冇试错到🤣🤣最后都有追加芥末八爪鱼同埋三文鱼籽寿司。整体嚟讲，呢一间嘅寿司都系有水准，下次嚟要再试下其嘢。