黑木亭居酒屋 (金馬倫道)

🙋🏻‍♀️早几日同朋友仔去尖沙咀行街，行到攰就梗系要揾返间高质嘅餐厅享受吓我哋嘅me time午餐啦，朋友仔话尖沙咀嘅呢间【黑木亭居酒屋】系佢每次嚟尖沙咀都会食嘅日本野，而今次我哋就点咗佢哋嘅刺身生蚝午市商务二人餐试吓啦🤩$398 嘅刺身生蚝午市商务二人餐，有齐晒刺身+卷物+定食+甜品，一次过满足晒我哋几个愿望，性价比真系超高呀，最令我惊喜嘅系佢哋有个自助吧枱可以夹吓沙律/小食/面豉汤等等，食吓沙律小食，话咁快我哋嘅二人餐就到噜🎉🦪时令法国生蚝生蚝够晒肥美，入口仲有清甜嘅蚝味🐟产地直送薄切白身鱼刺身薄切嘅白身鱼鱼肉清爽鲜甜，油脂分布均匀，配上酸酸甜甜嘅柚子酱，口感非常丰富🦀真烧蟹甲罗上枱摆盘打卡一流，鲜嫩嘅蟹肉配搭香浓嘅蟹膏，再加上鲜甜嘅蟹籽同埋滑溜嘅鹌鹑蛋，放喺脆卜卜嘅法包上面一齐品尝，口感好多元化🧀芝士流心玉子鳗鱼丼玉子包住流心嘅芝士，配埋香味浓郁嘅鳗鱼，每一啖都好满足🍜杂锦炸物冷荞麦面清凉烟靭嘅冷荞麦面，香脆可口嘅炸物，配埋软腍腍嘅薯仔沙律，真系啱晒夏天👩🏻‍🦰朋友仔话佢哋独家嘅🍺奶盖啤酒拉面杯都好好食㗎，等我下次都试吓先😍😍