麻辣Doi (已結業)

今晚谂唔到食乜，行过经过呢间食四川菜嘅食店，唔需要等位，就同老公入咗去食，坐低咗之后见到佢哋有三个王牌，一个系烤鱼，一个系水煮野，一个系麻辣干锅，三个见到相都已经流晒口水，最后我哋叫咗个麻辣干锅，因为烤鱼同埋水煮嘅料理平时都比较常食到，麻辣干锅我哋配菜就拣咗莴笋，鲜虾，肥牛，冻豆腐，肥肠，叫咗个小辣，因为怕越食越辣，另外佢呢一个主菜包括左两个主食，煮食可以拣白饭，或者红薯粉或者米线，老公就拣咗白饭，而我就拣咗米线，至于米线同红薯粉店员话可以将佢炒埋落个干锅度一齐食，又或者有汤底咁样分开食，汤底亦都有得俾你拣要清汤定系麻辣汤，当然我咁钟意食辣嘅话就拣咗麻辣汤嘅微辣啦😌😌😌另外我哋仲叫咗一个小食，就系尖椒皮蛋，不过认为尖椒皮蛋唔够入味，个汁唔够好食好食，但干锅就超级好味，所有配菜都炒得好均匀入味，小辣对我哋来讲已经差唔多，因为愈食会愈辣，佢哋整嘅干锅都好有诚意，会俾埋个迷你炉头一路热住佢俾你一路食，呢样值得加分👍🏻👍🏻舖头仔细细，但系坐得舒服，下次会过嚟试埋另外𠮶两款王牌料理。