恩嚐甜品

营业中

休息中

呢间铺头之前都听过人介绍过，咁岩附近经过，就顺便买外卖翻屋企试下，当日都见到附近嘅街坊会打电话落order，再去门市拎外卖。值得一赞嘅系铺头好贴心，将热同冻嘅甜品分开唔同袋放！1.云喱嗱豆焦糖炖蛋呢个炖蛋好足料，系用云喱嗱籽制作，食到底会见到好多粒云喱嗱籽；个甜品表面有一层脆卜卜嘅焦糖层，炖蛋都整到好幼滑，同时keep到有蛋味。2.柠檬汁冻疏乎厘个疏乎厘嘅质地好有趣，个口感似平时食嘅慕斯蛋糕，一放入口即溶，再加埋表面嘅芒果肉，增加口感嘅层次。3.法式酱汁煮洋梨第一次试呢款甜品，因为店员嘅推介，所以就叫黎试下，比我想似中好食。个酱汁个味道同焦糖炖蛋嘅味道好相似，酱汁浓稠度恰好，每一片洋梨都好入味。