影片
更多
2021-09-06
153 浏览
是日 Happy Friday🥳，所以就约定同事们一行十几人试吓呢间新开嘅餐厅。本身净系睇个电名以为系Meow Meow Cafe，去到就发现原来系一间走怀旧文青风嘅Cafe～店入面每个角度都唔同类型嘅书籍，悬疑小说、翻译小说同漫画等📚通通有齐，书卷味甚浓～每样家私摆设同样走怀旧风格，睇得出店主花咗唔少心思去搜罗呢一系列嘅特色摆设，而我就份外欣赏部钢琴（有啲似E先生MV入面个部🤣）另外仲有啲植物作点缀，非常值得打卡！而且都见到有两枱客人带埋狗狗嚟，佢哋都乖乖哋陪主人一齐影相，好可爱💕嘢食方面，唔知系因为仲喺试业关系，选择唔算多，而我就拣咗叉烧拉面嚟试吓。由于唔系传统主打拉面嘅餐厅，所以本身冇咩期望。一见到首先系好惊讶其份量之大😱碗面本身都好大，仲有连埋3碟仔前菜+汤+甜品，实在十分抵食。- 前菜 - （唔sure正确菜式名，凭味蕾命名😛• 芝士狮子狗• 牛油炒菇• 芥末菠菜波波头两味不过不失，但令我十分惊喜嘅系芥末菠菜波波。食前唔太知系咩嚟，都有少少惊会中伏😂食落口先发现系菠菜，仲加埋芥末酱，呢个组合已经够晒创新，但系其实系完全冇违和感。芥末冇抢去菠菜嘅味，亦唔攻鼻，所以我觉得作为前菜
店入面每个角度都唔同类型嘅书籍，悬疑小说、翻译小说同漫画等📚通通有齐，书卷味甚浓～
每样家私摆设同样走怀旧风格，睇得出店主花咗唔少心思去搜罗呢一系列嘅特色摆设，而我就份外欣赏部钢琴（有啲似E先生MV入面个部🤣）另外仲有啲植物作点缀，非常值得打卡！而且都见到有两枱客人带埋狗狗嚟，佢哋都乖乖哋陪主人一齐影相，好可爱💕
嘢食方面，唔知系因为仲喺试业关系，选择唔算多，而我就拣咗叉烧拉面嚟试吓。由于唔系传统主打拉面嘅餐厅，所以本身冇咩期望。一见到首先系好惊讶其份量之大😱碗面本身都好大，仲有连埋3碟仔前菜+汤+甜品，实在十分抵食。
- 前菜 - （唔sure正确菜式名，凭味蕾命名😛
• 芝士狮子狗
• 牛油炒菇
• 芥末菠菜波波
头两味不过不失，但令我十分惊喜嘅系芥末菠菜波波。食前唔太知系咩嚟，都有少少惊会中伏😂食落口先发现系菠菜，仲加埋芥末酱，呢个组合已经够晒创新，但系其实系完全冇违和感。芥末冇抢去菠菜嘅味，亦唔攻鼻，所以我觉得作为前菜嚟讲系好出色，值得一试。
- 主菜 -
猪骨浓汤叉烧拉面 $88
叉烧比想像中厚，拉面份量多🍜，不过可能因为我等埋同事上菜一齐食，放耐咗阵所以食落有啲冧，同埋叉烧连埋汤食就有啲咸。
猪骨浓汤叉烧拉面
$88
19 浏览
0 赞好
0 留言
鳗鱼滑蛋便当 $108（同事叫，偷食咗啖😆）
饭唔使多讲，睇图都见到同面一样，份量多。值得一赞嘅系鳗鱼原条上，一啲都冇手软，而且肉肥油香！个汁都啱啱好，唔会太咸/浓，冇抢去鳗鱼原有味道。
烧鲭鱼便当 $88（同事叫，偷食咗啖😆）
正常发挥，冇腥味，都唔错，唯一同事反映系较为多骨。
- 甜品 -
哈蜜瓜🍈都好少会食到酸味，所以好难会有啲咩失准😂纯粹本身以为甜品会系小泡芙或者小蛋糕个啲，冇估到系生果。但食落好清甜，而且饭后果可以去一去食饭嘅饱腻感都唔错。
唯一要弹嘅系可能因为系Open Kitchen关系，场内油烟都几劲💨，开头唔太觉，因为冇实际睇得到嘅油烟喷出嚟。但食食下发现好腌眼，同事就话系油烟所致，搞到不时会流眼水，走𠮶阵亦都发现成身都系油烟味⋯
张贴
