築地番本日式放題 (已結業)

一到咗生日月份，就好多朋友纷纷约我食饭。今日有另一个姊妹打俾我，话要同我食生日饭。地点约喺旺角，咁有心梗系收工即刻出去啦。一出到去原来佢话已经订咗枱，地点就系通菜街附近，原来呢度新开左一栋工厦，佢系全部都系食嘢架㖞，我都系第一次来。一想到去已经见到人头涌涌，入面已经全部full晒咁旺人气，未食已经觉得真系唔错啦呢度系日式放题除咗刺身，寿司，炸物，串烧等等以外，佢每一台仲送咗个蒸气火锅嘅火锅仔，仲有一张纸俾你可以自己拣蒸气火锅嘅配料添，好搞笑啊另外呢度嘅野饮同甜品都系可以自己出去拎，选择都算几多。咩都唔讲首先叫刺身， 因为我哋两个都唔算好肚饿嘅关系，所以其实今次主打都系食刺身为主，剩系刺身我哋都叫咗两转啦，寿司反而我哋一件都冇嗌过。刺身好新鲜三文鱼肥美，另外佢嘅白玉吞拿鱼都几值得推荐，冰山贝同荣螺都爽口弹牙，赤虾鲜甜，怪唔得咁多人啦，以放题价钱来讲，呢度嘅刺身真系超晒班呀另外仲叫左d小食同烧物，全部都热辣辣咁上枱实在诚意十足！而且味道亦都不错哪有女人不爱甜？我哋两个留肚就系为咗征战呢个甜品吧同埋雪糕啦！甜品选择都算多啊，我哋试过牛奶布甸。牛奶布甸都冇花冇假真系落足料！牛奶味超级浓朱古力慕