旬彩火鍋

营业中

休息中

九龙湾MegaBox都有唔少餐厅选择，呢日去shopping见到呢间日式火锅店，装修几靓，空间感十足。餐厅主打日式火锅放题，平日一人一炉价钱由$158起至$398，120分钟任点任食。汤底选择都好多，包括有寿喜、旨辛、昆布、飞鱼汤、豚骨、豆乳、蕃茄及柚子贝柱汤。最重要系一人一锅，可以按自己喜好拣选心仪嘅汤底。由于朋友系肉食爱好者，我哋点咗$398嘅餐，入面包括: 美国肥牛、西班牙栗豚、美国精选牛肉、美国牛板腱、日本黑毛和牛、美国SRF极黑牛。牛质素相当高，牛味浓郁，入口嫩滑。除咗牛之外，豚肉质素都好好，入口充满浓烈嘅猪肉味。餐厅亦有自助区，提供有前菜、多种蔬菜、菇类、豆腐、丸类、小食等。面食则有辛辣面及出前一丁，简直系打边炉必食之选。自助区亦有饮品及甜品提供，包括果汁、汽水、茶饮等。甜品有沙冰同多款配料选择，亦有雪糕、乳酪、豆腐花等，相当多元化。餐厅地方宽敞，环境舒适，晚餐放题呢个价钱已经有日本黑毛和牛同美国SRF极黑牛，其他食物质素亦相当不错，抵食之选。