八木橋日式燒肉

营业中

休息中

朋友嚟香港旅行，佢嘅旅行清单入面，有一件事系我哋必须完成嘅，就系去旺角八木桥食烤肉。佢喺网上睇到好多人推荐必食八木桥，就拉我一齐嚟试。作为一个本地人嘅我都未试过，今日就同外地朋友一齐嚟食。唔多讲，入正题。呢间铺有四个套餐，分别系雪、云、霞、雨，每种套餐唔同价钱同肉类。难得我朋友请客，当然系食最贵嘅雨餐啦🤣最重要系任食！唔使等好耐，店员就将我哋嘅食物送上嚟。首先系A5和牛西冷，足足比我两只手掌仲大，真系超大。佢嘅纹理十分细致同靓，烤到差唔多后，再剪开嚟，肉汁特别顺滑，入口即化，牛肉味依然好浓，一个字，正！其次系A4黑毛和牛肉拼盘，拥有多种A4黑毛和牛肉，包括有A4黑毛和牛和尚头、A4黑毛和牛后腰肉、A4黑毛和牛牛肩等等。所有和牛肉都好柔软，充满牛肉味，食落去油香四溢。其中最钟意系后腰肉，肥瘦适中，一口接一口，非常满足。净系食牛肉已经食到我哋津津有味，仲有其他食物任君挑选。仲想推荐呢度嘅天妇罗，尤其系天妇罗炸虾，𠮶只虾够大只够新鲜，脆脆嘅口感，鲜甜嘅虾肉，食物嘅素质都好高。