禮 (已結業)

呢度装修好有日式风情，感觉好chill，系一个好适合同朋友聚会嘅地方。首先试咗佢哋嘅柚子汁烧鸡排定食配十谷饭。前菜有柚子醋腌萝卜同沙律，另外仲有老店面豉汤、茶碗蒸。鸡排好软嫩好Juicy，尤其钟意个酱汁，唔会太咸，同鸡排好夹。十谷饭亦都煮得好松软！成个定食劲丰富～之后就系迷你东京牛肉丼。一样都有前菜腌萝卜同老店面豉汤～呢个牛肉丼虽然话系迷你版，但其实份量都几多架！因为仲有个迷你乌冬～牛肉煮得好入味，加埋大量洋葱，两者都吸收咗酱汁嘅味道，好味！乌冬个汤清清哋，面条够晒弹牙😍一个丼就可以食到两种滋味～抵！最后跟隔离枱风，叫咗日式饺子。呢个饺子皮薄馅靓，煎得金黄香脆，咬落去仲有肉汁爆出嚟，配埋佢哋自家制嘅酱汁，味道更加丰富！