果子｜海南雞飯·喇沙摻摻 (啟昌樓) (已結業)

食肆解禁嘅第一个周末到大埔行街舒缓抗疫疲劳， 午膳时间到果子cafe用膳。如果只睇店面会以为果子系一间cafe。但事实上呢间食肆主打星马菜，而餐厅都有提供多款饮品。一入食肆就觉得位置相当阔落，坐得舒服之余，足够嘅座位距离亦令人感到非常安心。是次主食叫咗海南鸡饭同喇沙掺掺，加上跟餐小食同饮品。落单后店员会覆重复一次订单。食物饮品喺落单后五分钟后就陆续送上。首先送上系小食同饮品。小食叫左炸鱼饼同春卷。两样上枱时系热嘅，而春卷更系非常脆口。无⻣海南鸡饭鸡肉非常鲜嫩，唔会鞋身。鸡味亦都颇为浓郁，所以个人比较推荐点姜蓉或甜酸汁，避免鸡味被掩盖。喇沙掺掺喇沙掺掺非常大碗，而且喇沙、黄姜同椰奶味突出。今次光顾埋单平均每人唔使80蚊，东南亚主主菜配小食加饮品黎讲，算系物超所值。