影片
更多
2020-01-25
1750 浏览
依日day off同呀妈去荃湾行街街，顺便食个晏。呀妈之前话想食马拉菜🇲🇾，我记得圣诞行过荃新天地见到有个成两层楼嘅广告系虾面店XD，𠮶时已经bookmark咗。由于无食到早餐，我哋就准备大擦一餐😋。我哋两点到去到，餐厅多多地人，可能都叫做系lunch水尾，但咁啱侍应得返收银𠮶位，变咗佢一脚踢。不过佢落单都好清晰好快手，仲劲清楚咁讲每样食物加配系加几钱👍。Lunch套餐包咗一碗面(比净叫一碗面嘅份量细少少)、一样小食同一杯饮品；另外每样额外嗌嘅小食加$16。餐厅仲有一个全日优惠餐牌，都好鬼抵。每样食物都唔使原价叫，变相嗌下嗌下就嗌到成枱嘢🙈。辣味虾汤底：L1虾肉肉片面($68)，🦐虾汤底真系好浓虾味，好香，估计应该用咗好多虾壳煲；而食落又唔会重口味㖞，唔错。不过话明系辣味虾汤，我预计会辣啲🌶，如果钟意食辣嘅就可能会觉得争少少。虾肉系片开一半咁上，而肉片系腩肉，份量都唔少。面底我就拣咗掺掺，即系米粉加油面。咖哩喇沙汤底：L5海鲜面($78)，呢碗系呀妈嗌的，我试咗啖个汤都几浓几香，唔辣的，但🥥椰味可以重啲。另外，我认为呢碗搭配净米粉比起掺掺会更好食，因为更索汤。海鲜配料有一只虾、一只青口
依日day off同呀妈去荃湾行街街，顺便食个晏。呀妈之前话想食马拉菜🇲🇾，我记得圣诞行过荃新天地见到有个成两层楼嘅广告系虾面店XD，𠮶时已经bookmark咗。
由于无食到早餐，我哋就准备大擦一餐😋。我哋两点到去到，餐厅多多地人，可能都叫做系lunch水尾，但咁啱侍应得返收银𠮶位，变咗佢一脚踢。不过佢落单都好清晰好快手，仲劲清楚咁讲每样食物加配系加几钱👍。
Lunch套餐包咗一碗面(比净叫一碗面嘅份量细少少)、一样小食同一杯饮品；另外每样额外嗌嘅小食加$16。餐厅仲有一个全日优惠餐牌，都好鬼抵。每样食物都唔使原价叫，变相嗌下嗌下就嗌到成枱嘢🙈。
辣味虾汤底：L1虾肉肉片面($68)，🦐虾汤底真系好浓虾味，好香，估计应该用咗好多虾壳煲；而食落又唔会重口味㖞，唔错。不过话明系辣味虾汤，我预计会辣啲🌶，如果钟意食辣嘅就可能会觉得争少少。虾肉系片开一半咁上，而肉片系腩肉，份量都唔少。面底我就拣咗掺掺，即系米粉加油面。
咖哩喇沙汤底：L5海鲜面($78)，呢碗系呀妈嗌的，我试咗啖个汤都几浓几香，唔辣的，但🥥椰味可以重啲。另外，我认为呢碗搭配净米粉比起掺掺会更好食，因为更索汤。海鲜配料有一只虾、一只青口、鱿鱼同蟹柳，正正常常啦，但最后样料其实可免😅。
白胡椒肉骨油条(细份)($42)，依样系全日小食优惠，佢同平日嘅肉骨茶唔同，首先唔系深色，第二系无乜药材味。我觉得味道几唔错，啱我口味(利申返我食得咸)，个汤配埋啲排骨好啱送饭。随汤奉送嘅油炸鬼系切粒上的，但比较硬，非常一般，不过佢只系配角啦😜。
跟午餐嘅小食我哋total要咗四样，哈哈，好痴线，但好彩都食得哂。A.马来沙爹鸡髀肉串(两串)：呢个同我想像中有啲分别，其实即系同普通鸡串无异。不过我欣赏佢个沙嗲酱，好惹味好多花生粒🥜。
C.五香脆炸豆腐豆卜(细)：虽然系细，但份量其实都唔少，每样都好多粒，但外皮有少少干，点酱食会好啲。
D.脆香鱼皮：我以为得几片，点知系成大碟，鱼皮好大嚿，15cm都有！！！食落好脆👍。
H.虾面店特制亚参脆多士：多士有三块，薄薄地其实几好，因为系小食嘛。亚参似果酱啲friend，酸酸地，几开胃，不过唔似甜品哈🤣。
真正嘅甜品方面，我哋要咗摩摩喳喳(+$18)，即系渣渣啦，用铁碗仔上，几得意。味道唔太甜，都几好，用咗好多料，包括蕃薯🍠、芋头、香蕉🍌、紫薯等，所以颜色系紫紫的💜。
最后就系饮品，我哋都转咗特饮(+$10)，分别系冰糖柠檬薏米水同青柠梳打，前者清清地ok，后者除咗青柠外，仲用上柑橘仔，所以特别香。
总括嚟讲，呢餐真系饱到上心口，哈哈，一次过食咗各式各样嘅马来西亚食品，有啲平日真系比较少食到，味道亦都唔错。餐厅最好嘅地方系有好多小食提供，而且每份细细哋，就算两个人都可以嗌多几种试下👍，价钱整体嚟讲我觉得好相宜(午市仲要免加一啊)。环境正正常常，二人枱就未必放得哂啲食物，装修有啲窗框咁，马拉特色？最后，行去收银处埋单时见到餐厅原来系咁撑香港人💛🇭🇰。
张贴
