Chang Thai Restaurant & Bar (裝修中)

又系思乡嘅时候⋯相信泰国都系唔少人嘅乡下之一，连我都唔例外⋯阳光与海滩，沙滩与美女（我讲我呀），唔少得嘅梗系啱晒香港人胃口嘅泰式美食啦！今日就去咗位于铜锣湾嘅Chang Thai Restaurant，以慰藉下我嘅思乡情怀～酸辣慢煮鱿鱼 ($168)酸酸辣辣最开胃，一开波依味𩠌正正令我食欲大增！调味啱啱好，唔会太酸亦唔会太辣，啱晒唔食得好辣嘅人，加上鱿鱼系慢煮唔会韧，咬落松软而有鲜味。不过咁好味，记得唔好一次过食晒呀，因为饱咗就食唔到其他好嘢㗎啦！四色小食拼盘 ($118)依个就真系特色中嘅特色！先讲食物，泰式小食就梗系有春卷、虾饼、生虾刺身、泰式凤爪啦！除咗嘢食好食之外，佢嘅摆盘真系特别到不得了！佢个嘢可以转㗎！充满好奇心嘅我梗系一路转一路食啦！黄咖喱炒软壳蟹配法包 ($288)黄咖喱香甜，软壳蟹外脆内软，法包仲系用而家时兴嘅竹炭包，食完啲蟹，个法包捞埋啲咖喱汁食，简直可以食到渣都冇剩～招牌泰式青芒鱼 ($198)将条炸到松脆嘅鱼配上清爽嘅青芒丝，青芒丝中和咗炸鱼嘅油腻而又不失口感，加埋其他配料同埋鲜青柠，口感清新而又食到鱼嘅鲜味，果然系招牌菜！连椰青都IGable