泰Grill (享和街)

第一次试，外卖咗三个套餐，一拎上车已经全车都话香喷喷。青木瓜沙律，爽口，辣度适中，清爽惹味。我唔系好食得辣，叫咗个小辣嘅冬阴功汤面，好浓郁嘅蕃茄味，又足料，后悔冇叫多个蒜蓉包伴啲汤食。朋友食香叶肉碎炒饭，实在泰香！我忍唔住偷咗嚟食，饭够干身，惹味。我欣赏佢只煎蛋，系㶶边蛋！另一位食牛魔皇船面，佢净系话好食，但系唔分俾我食，所以我唔知道系咩味。凭嗅觉嘅话，好香啰。仲有个春卷，冇乜特别啊，不过我钟意食炸嘢。下次再试埋其他嘢先。