潮觀城酒樓

营业中

休息中

试了一家性价比高的潮州菜，味道不错价钱合理，而且装修也很好，坐得舒服。我哋一行三人叫咗个二人套餐再加多一个蚝饼，每人二百几蚊都几抵食。套餐包括呢一个卤水鹅肉拼盘，入面除咗有卤水鹅肉之外，仲有红肠、卤水蛋、鹅肾、猪耳仔同埋卤水豆腐垫底，个卤水唔算好香不过唔系一味死咸所以我都觉得ok，卤水鹅肉都唔系好韧。套餐嘅汤我哋拣咗咸菜胡椒猪肚汤，呢个汤做得几好，咸酸菜唔会太咸但系有唔会去到冇晒味，猪肚洗得好干净同埋煲得好淋，少少胡椒掉下味唔会太辣。可以拣一款𩠌，我哋就拣咗沙茶牛肉炒芥兰，个沙茶酱都唔错，有花生粒嘅，啲牛肉都几嫩。加咗个蚝饼，正确啲应该叫蚝烙，呢个做得都算正宗，起码入面有薯粉，啲蚝仔都几新鲜。最后我哋仲加咗两个糖水share，就系上面𠮶碗马蹄片绿豆爽同埋下面𠮶碗清心丸甜汤，呢两个都几好食。最后饮埋功夫茶。