牛涮鍋 (已結業)

因为做左牛角会员之后就多左去佢旗下嘅餐厅食，而今次就去咗天水围食呢间牛涮锅！而今次就试咗佢个澳洲和牛肩脊肉放题，$318要加一，如果星期六日或者公众假期就再加多$10。佢有八款汤底拣而我今次就拣咗黑蒜油猪骨汤同四川风麻辣汤。佢汤底就一般般过得去，佢四川风麻辣汤闻落好香不过食落汤就淡左少少。佢除咗肉类同海鲜，系出面亦都有好多嘢食同饮品俾大家选择。食呢啲放题大家最关心嘅梗系佢嘅肉，我就觉得我拣嘅呢个套餐入面有三款肉都几唔错，分别系澳洲和牛肩脊肉，美国见岛特选和牛肩脊肉同埋美国S R F和牛。头两款肉食落其实好似，牛肉味会偏淡不过油脂就会比较多。至于S R F奥牛肉味会比较重油脂较少，如果钟意肉味较重嘅就可以主力食呢一款肉。我就觉得牛涮锅性价比高，食物质素唔差而且又唔同套餐比大家选择丰俭由人，钟意打边炉嘅你一定要试一试！