Pizza Piazza (已結業)

特登走咗去荔枝角睇雪景，又冻又大风嘅晚上行咗去亿利工业大厦，地下就见到呢间餐厅。一入去侍应问我有冇订位，我话冇，好彩唔洗等都有张四人枱比我坐。咁样算唔算系烛光晚餐啊？ ！今次晚饭有两个人，所以我哋叫咗两个主菜。餐包同埋餐汤（番茄汤）正正常常，冇咩特别。首先讲吓我食𠮶主菜，大虾带子黑松露忌廉汁扁意粉，最令我惊喜系只带子真系非常鲜嫩，大虾已经帮你开咗壳好容易拆出嚟，意粉唔似出面餐厅住煮得太淋或者太硬，我自己就觉得适中非常之好，黑松露嘅味道亦都好出，一拎到埋嚟就已经闻到好西利。 朋友食𠮶啲香蒜野菌意粉我都试咗少少，意粉好有香蒜味，野菌系一只好大嘅菇煎香左，美中不足嘅系油份似乎多咗少少，食食吓会觉得有啲腻。杯莫卡都唱得唔错，咖啡味有亦唔会抢晒啲朱古力味。最后，讲讲佢啲服务其实都唔差，每逢上餐汤以及主菜嘅时候，会亲自过嚟问你要唔要黑椒，如果会嘅话会即刻磨俾你。想餐同埋买单嘅时间亦都唔系好耐，所以我哋都好快用餐完成啦。晚餐冇加一服务费，成张单真系悭好多，性价比非常高。