紅磡雞蛋仔

营业中

休息中

喺红磡扫街，又点可以唔嚟红磡名物之一嘅小食店呢?!!😏 虽然店名叫鸡蛋仔，不过我今次只系试左佢嘅两款班戟🙊。蛋白肉松咸班戟 $14呢款班戟皮口感烟韧、厚实，唔似麦记果D咁松散。班戟搽左一层花生酱，之后洒上大量肉松，味道唔错，不过食到好捩弃😂边食边跌，加上班戟皮好痴牛油纸，好易连纸食埋。沙律净芒果班戟 $21呢款班戟多左D蛋香；搽左沙律酱后，加入大量甜芒果，作为一款唔错嘅甜点。可能人大左，无咁中意食甜野，所以个人觉得咸班戟比较好味😋。班戟皮厚实、配料饱满，食完其实几饱肚。星期六当日行经几次，都见到有人排队，而老板就密密煎，所以拎上手一定新鲜。