影片
更多
2018-12-06
79 浏览
今个星期日出左观塘区行街，预先揾到有咩好野食嘅时候，见到有人介绍呢间位于工业大厦嘅自助餐，唔单止位置便利，好近大型商场同地铁站，而且性价比仲好添！点解咁讲？因为佢做紧假日午市自助餐，只系需要$88！平时食个饭餐都要$40-$50，而家只需比多少少，就可以有咁多选择，我觉得呢间餐厅非常有诚意！餐厅位于一楼，要行一层楼梯先去到，门外绿化嘅装饰令人置身于丛林中，室内嘅布置一啲都唔马虎，临近圣诞都好有圣诞气氛添！重点黎喇，食物方面，以呢个价钱都叫做有好多选择喇！沙律吧可以任拎沙律生果等等，仲有两款热汤，我试左杂菜汤，味道好浓郁！热食放系大盘内一路heat住，唔怕会冻左，选择都有8-10款，例如烩牛脸𣍰肉，瑞士鸡翼，照烧鸡扒，鲜茄猪扒，炸鱼饼，蒜蓉炒杂菜，芝士烟肉焗西兰花，黑松露忌廉焗鱼柳，烩牛舌，仲有三款炒粉面，味道做得好出色！甜品都有好多选择架，唔单止有各式糕点，最特别系有生果吐司，芒果糯米饭，爆谷机，仲有一部绵花糖机可以比大人细路一尝整绵花糖嘅乐趣！饮品方面更加胜过好多酒店，因为选择够多，冻饮有三款选择，蜜桃茶，荔枝梳打同埋柠檬茶，热饮就厉害喇！有不同味道嘅茶包，同埋花lum，任君选择，例
今个星期日出左观塘区行街，预先揾到有咩好野食嘅时候，见到有人介绍呢间位于工业大厦嘅自助餐，唔单止位置便利，好近大型商场同地铁站，而且性价比仲好添！点解咁讲？因为佢做紧假日午市自助餐，只系需要$88！平时食个饭餐都要$40-$50，而家只需比多少少，就可以有咁多选择，我觉得呢间餐厅非常有诚意！
餐厅位于一楼，要行一层楼梯先去到，门外绿化嘅装饰令人置身于丛林中，室内嘅布置一啲都唔马虎，临近圣诞都好有圣诞气氛添！
重点黎喇，食物方面，以呢个价钱都叫做有好多选择喇！沙律吧可以任拎沙律生果等等，仲有两款热汤，我试左杂菜汤，味道好浓郁！
热食放系大盘内一路heat住，唔怕会冻左，选择都有8-10款，例如烩牛脸𣍰肉，瑞士鸡翼，照烧鸡扒，鲜茄猪扒，炸鱼饼，蒜蓉炒杂菜，芝士烟肉焗西兰花，黑松露忌廉焗鱼柳，烩牛舌，仲有三款炒粉面，味道做得好出色！
甜品都有好多选择架，唔单止有各式糕点，最特别系有生果吐司，芒果糯米饭，爆谷机，仲有一部绵花糖机可以比大人细路一尝整绵花糖嘅乐趣！
饮品方面更加胜过好多酒店，因为选择够多，冻饮有三款选择，蜜桃茶，荔枝梳打同埋柠檬茶，热饮就厉害喇！有不同味道嘅茶包，同埋花lum，任君选择，例如碟豆花，洋甘菊，薰衣草，真系照顾哂唔同喜好嘅人士！
总结黎讲，以呢个咁大众化嘅价钱可以系限时两小时内享用咁多选择嘅食物同饮品，真系冇「不去」嘅理由呀！
张贴
