榮光粉麵小廚

营业中

休息中

今晚去左上水探朋友，佢夜晚带左我地去一间叫荣光既餐厅食饭。一入去发现满座，看来朋友系常客，一早订左位，我地被安排到楼上雅座，上层有２间相房，环境好舒服，感觉好似去食私房菜咁。试咗几道招牌菜，大推蟹籽芥末明虾球，大虾球又大又爽，虾味十足！配上蟹籽芥末酱，喺这个天气食真系正！呢个花胶鸡煲翅汤坚有花胶、鱼翅、鸡脚，超足料劲抵食，汤料经过长时间炖煮，胶原蛋白都入哂奶白色既汤里面，汤底浓郁，超好味。荣光D𩠌碟碟都咁大碟，又超足料，牛仔骨、京都骨同乳鸽都好好味，仲有西兰花，脆脆的，口感一流。虽然餐厅咁忙，但服务员个个都好有笑容，落单同上菜都好快，真系一流！