Hugo Le Resto Grill (已結業)

运动前要补充一下体力先，又唔想饱到揽住个肚，咁就食个西餐，食下扒啦。Hugo Le Resto Grill嘅午餐包括自助沙律吧，餐汤，蒜茸包，主菜，同埋餐饮，都几抵食㖞。简单嘅自助沙律吧有mixes vegetables，粟米，黑榄，桃，蕃茄仔等等，任君选择，样样都系我钟意嘅。而酱汁都有几款可以拣，包括凯萨沙律酱，醋，千岛酱。我就拣左几样我喜欢嘅，配个沙律醋，帮自己开定个胃。餐汤系我另一摰爱，粟米汤。个粟米汤好正呀，粟米味浓唔在讲，每一啖都食到粟米，食到粟米嘅甜，又唔会太稀，真系好味。主菜我拣左牛板腱扒，卖相不错，火侯控制得好好，啱啱好medium rare，食到牛嘅味道，而且口感够嫩，配埋个黑椒汁，真系无得弹！薯仔又系新鲜即炸，外脆内软，虽然系热气左少少，不过真系好好味呀。