88 HIGH STREET (已結業)

港岛高街一带都有好多酒吧餐厅，其实都好小去开果头，不过就系咁岩约左朋友系附近倾野，又撞啱一个滂沱大雨嘅晚上，入左88 HIGH STREET避雨，反正都要开餐，就同朋友入左去食晚饭，误打误撞揾倒间好野👍🏻。餐厅嘅水磨石墙制造出好强烈嘅工业风格，形造出简洁舒服环境。睇睇餐牌除左有set dinner外，仲有set lunch，都有好多不同选择，方便呢区上班一族。上openrice search食评有咩推介，见倒个个都赞封门牛柳番茄酱意大利面，而且仲做紧优惠价$88，紧系要order一份试下。黎到已经闻倒好香茄味，意粉🍝系我钟意嘅硬度，个蕃茄汁杰度恰到好处，每条都好挂汁；牛柳都好有惊喜，6-7成嘅熟度，底面煎至微焦，中间仍保持粉嫩多汁，牛味都好出众，以$88黎讲，真系超水准👍🏻。西班牙海鲜饭🥘，饭底好湿润，汁酱好均匀将饭包匀，海鲜鲜味入晒饭入边。海鲜以青口我最钟意，非常鲜甜；大虾都好有睇头，虾头藏有虾膏，非常甘香，肉质爽弹。