越一越南牛肉粉專門店 (已結業)

放工同朋友食饭，佢话有间食越式野唔错，就系呢间越一，佢有几个二人套餐，我地就拣左其中一个set！越式生牛肉河粉，啲牛肉好嫰滑，汤底唔会好咸，因为呢间餐厅系标榜所有食品都唔落味精！啲萝卜大大旧，好清甜！香茅猪扒河粉，河粉一样系好味，好爽滑，系猪扒略嫌有少少老。扎肉蒸粉包，几有口感，感觉有少少似粉果，但好食过粉果椒盐软壳蟹，外层好酥脆但味道略嫌咸左小小另外要左个蒜蓉多士，好香脆惹味椰汁红豆汁，佢系属于多椰汁少红豆，会见到成杯都系白色，我觉得好饮嘅，唔会好甜，至于咸柠七就属于正常～如果下次经过呢头都会再食，性价比都几高