越蘆越南牛肉粉 (已結業)

今晚想简简单单食碗粉，拣咗间越南野。餐厅环境阔落，几好坐呀。原本谂住食碗粉，睇完餐牌后太多选择后，最终叫咗碗「生牛肉牛肉丸汤河 」、「传统越南法包」、「芒果软壳蟹米纸卷 」同「顺宁胡椒猪肉串」。牛肉河汤底好浓郁，配埋牛肉牛丸好入味，加上不可缺少嘅芽菜同九层塔，唔错唔错。难得见到有越南法包，叫咗个传统味道试吓。首先个法包好脆，配料有肝酱，扎肉，扎蹄，胡椒猪肉，酸菜，青瓜，味道好丰富好多层次。另外两个小吃-「芒果软壳蟹米纸卷」味道好清新，软壳蟹亦都香脆。「顺宁胡椒猪肉串」惹味，有淡淡胡椒味。无论食物、环境质素都几好，价钱算系抵食，唔怪之得见餐厅都有唔少外卖单。