喜亭軒

营业中

休息中

难得听日唔使番早，今晚特登约咗朋友嚟呢间新开嘅餐厅打边炉，放题任食，尽情吹水。火锅放题(一至四) $288宫廷香辣走地荔枝鸡煲我本身唔系太食得辣，就叫咗唔辣，就算系咁鸡都好够味，啖啖肉，又够滑。食完鸡煲加咗两个汤底，一边猪骨汤另一边系花胶胡椒汤。虽然两边汤底味道差唔多，但系都好浓好够味，仲好足料添，有大大旧猪骨同花胶!海鲜盛盘超丰富，有齐蟹，鲍鱼，扇贝，墨鱼仔，鱼块，青口，虾同鱿鱼。宜家已经好少放题火锅会连埋鸡煲同海鲜拼盘，二百几蚊包咁多样野认真性价比好高。美国SRS黑毛和牛睇样都知有番咁上下质素，果然食落真系好够牛味，又够腍，好食过一般肥牛好多。食咗咁多肉同海鲜，当然要有蔬菜中和下，都有好多选择，生菜，娃娃菜，金茹，冬菇…最后梗系有甜品，雪糕杯就一人一盒，雪条任拎，食到棒住个肚走。