FRITES Belgium on Tap (已搬遷) 新店位置

Frites 主打比利时啤酒同埋青口。佢嘅lunch set唔驶$200就可以食到包含500g青口同薯条嘅3道菜午餐，可谓非常之抵！美中不中系佢有啲凳系无得『唉』嘅，有啲唔够舒适。同埋佢甜品同饮品系二拣一。今日拣咗芝士洋葱汤做头盘，洋葱嘅甜味已经煮晒落个汤度，而面头嘅面包索晒汤汁，几好味。500g house mussels配薯条，用上白酒忌廉汁煮嘅青口粒粒大粒饱满，配上薯条同沙律酱非常开胃。甜品系rice pudding cake，甜甜地有啲糯米感觉，几得意。