影片
更多
2024-04-11
28 浏览
经过见到呢间韩国菜啲装修几靓，见价钱唔贵，menu又几啱心水，就入去试试。一人餐做紧特价$78，我同朋友分别叫咗一人便当套餐同一人炸鸡套餐，再叫多咗份鸡胸肉沙律。鸡胸肉沙律啲肉都几多，捞埋芝麻酱食几好食，清新开胃。便当套餐嘅主食我哋拣咗紫菜包饭，配料拣咗烤牛肉。好钟意食韩式紫菜包饭，有阵好香嘅麻油味，配料丰富爽口；烤牛肉份量都几多，餐厅好细心噉畀埋烤牛肉嘅汁，甜甜地几好食；个蛋卷都有惊喜，烧得几靓仔，口感松软，富有蛋香😋套餐包埋杂锦小食３Ｐ，即系炸带子、炸芝士同炸春卷。春卷嘅造型几得意，好长好大条；炸带子外脆内软，炸芝士又香又浓，重可以拉丝🤤炸鸡套餐嘅炸鸡我哋拣咗牛油蜜糖味，鸡件都几大嚿，外层香脆，中间啲肉留有肉汁，牛油蜜糖又香又甜；主食拣咗炒粉丝，炒得几好，唔会痴埋一嚿又唔会好油，弹牙入味。跟餐叫咗芒果汁同特饮草莓乳酪梳打，杯特饮卖相唔错，酸酸甜甜好refreshing👍🏻
经过见到呢间韩国菜啲装修几靓，见价钱唔贵，menu又几啱心水，就入去试试。
一人餐做紧特价$78，我同朋友分别叫咗一人便当套餐同一人炸鸡套餐，再叫多咗份鸡胸肉沙律。
鸡胸肉沙律啲肉都几多，捞埋芝麻酱食几好食，清新开胃。
便当套餐嘅主食我哋拣咗紫菜包饭，配料拣咗烤牛肉。好钟意食韩式紫菜包饭，有阵好香嘅麻油味，配料丰富爽口；烤牛肉份量都几多，餐厅好细心噉畀埋烤牛肉嘅汁，甜甜地几好食；个蛋卷都有惊喜，烧得几靓仔，口感松软，富有蛋香😋
套餐包埋杂锦小食３Ｐ，即系炸带子、炸芝士同炸春卷。春卷嘅造型几得意，好长好大条；炸带子外脆内软，炸芝士又香又浓，重可以拉丝🤤
炸鸡套餐嘅炸鸡我哋拣咗牛油蜜糖味，鸡件都几大嚿，外层香脆，中间啲肉留有肉汁，牛油蜜糖又香又甜；主食拣咗炒粉丝，炒得几好，唔会痴埋一嚿又唔会好油，弹牙入味。
跟餐叫咗芒果汁同特饮草莓乳酪梳打，杯特饮卖相唔错，酸酸甜甜好refreshing👍🏻
张贴
