味真

营业中

休息中

今日去沙田第一城探朋友，朋友介绍有间喺韩国开过黎香港嘅韩式烧烤，睇睇餐牌都几抵食，我地叫咗几款试吓。未点餐，店员已经拎咗劲多生菜，前菜，酱料比我地，d前菜味道都好正宗。伊比利猪肩肉非常高质，脂肪肥瘦均匀，烧完完全唔油腻，食落肉质弹牙，一d都唔柴，好重猪肉味，唔错。猪颈肉唔会好肥，烧到外脆入面爽口，夹住生菜同前菜食一流。带子都几大只，烧完都仲好大只，好新鲜，好鲜甜。猪皮原来系熟食,佢地已经烧完先上枱，食落外面脆脆地，口感烟烟韧韧，仲有黄豆粉，咖哩粉同酱汁点黎食，正。肥牛面豉汤上枱仲滚紧，热辣辣，个汤面豉味好特出，入面仲有大量牛肉，豆腐同脆肉瓜，牛肉非常嫩滑，好味。涷汤荞麦面夏天食涷冰冰嘅冷面，真系非常正，d面质烟烟韧韧，味道非常好。西瓜梳打好香西瓜香味，唔太甜，唔错。甜米露第1次饮，又几香米味，甜甜地，入面仲有真嘅米粒，都几特别。