Cha:rm

营业中

休息中

牛肉紫菜饭卷🐂饭卷内除左牛肉，仲配有瓜、蛋同埋红萝卜，一份共有十二件，牛肉味道刚刚好，口感十分丰富。水冷面😍依家咁热嘅天气最啱食一个水冷面，店内会提供醋同韩式辣酱让顾客根据自己喜好自由加配。水冷面份量十分多，配有少量酸瓜酸萝卜、泡菜同半只蛋。味道十分清新，刚刚好。半份炸鸡🍗炸鸡黎到嘅时候个摆盘有啲凌乱😂，半份炸鸡配有薯条，同埋酸甜酱及蛋黄酱，炸鸡外脆内软，食入口仲热辣辣，个人比较钟意配埋蛋黄酱食，口感更加丰富。芝士辣炒年糕🥘我妹必嗌嘅辣炒年糕，年糕烟烟韧韧，配有拉丝嘅芝士，入面仲有少量鱼糕片。呢个嘅辣度唔算太辣，一向唔太食得辣嘅我都接受到。备注：一坐低就有一小碟泡菜提供，价钱亦相对便宜，份量足够，食到正宗嘅韩国风味，总括而言系一间性价比十分高嘅韩式餐厅。