天晴日本料理 (已結業)

珊瑚海话好想食'饿妈卡些'，不过出面食又好贵㖞。朋友介绍湾仔呢间可以自己讲价钱，再由大厨发板，质素又唔错，所以就决定今晚嚟试吓啦！我哋向店员表示大概每人$750楼下，要食到饱为止！牛油果番茄沙律 ($75)牛油果份量多，口感香滑味道带甜，简单清爽，色彩缤纷，作为一餐饿妈卡些嘅opening真系无错！牡丹虾 ($98*2=196)贵为海虾之王，价钱当然唔失礼，好在佢个样都唔丢脸，颜色艳红，大大只又肥美，肉质香甜弹牙，食完之后嘅after taste久久不散吞拿鱼 ($45*2=90)其实我就钟意食拖罗多过吞拿鱼，但店员话今日嘅吞拿鱼新鲜到，咁好啦！肉质鲜红、有嚼感但唔油腻，不过我都系钟意食油腻嘅拖罗多啲！哈哈....刺身剑鱼腩 ($35*2=70)肉质细滑丰腴，逐点逐点喺舌尖上融化，食到咁上吓剑鱼𠮶种独特嘅油香味慢慢渗出，好满足！我都系钟意满口油嘅感觉！三文鱼腩 ($25*2=50)好耐冇食过三文鱼，比我想像中无咁肥美，比起头先食𠮶件剑鱼腩清淡啲活赤贝 ($45)系原只活赤贝呀，好似朵花咁吸引，刀工工整亮丽，味道鲜甜口感爽脆金时薄切 ($128)比较少食，每一片都晶薄透光，透出粉嫩肉色，