峇峇娘惹 (彌敦道) (已結業)

而家冇得去旅行，唯有喺香港揾啲嘢食嚟弥补下心灵上嘅缺失。今日同老公一齐去咗油麻地嘅呢间马来西亚菜，环境几有特色，座位都OK，我哋叫左胡椒肉骨茶、马来西亚咖喱加薄饼、香茅骨。胡椒肉骨茶系必食之选，汤饮落好有胡椒味，我最钟意就系饮肉骨茶，我觉得同喺新加坡饮嘅差唔多，虽然我叫嘅系细碗，但系我觉得份量都唔少，入边有两块排骨，仲有冬菇、豆腐卜，价钱都系$38 ，真系好抵。另外我哋嗌左一碟香茅骨，几香脆，加埋薄饼同印度咖喱，真系下午茶嘅首选，食完夜晚都争啲食唔落饭。