愛家愛便當 (已結業)

「爱家爱便当」搬咗嚟观塘嘅成业工业大厦，好多素友都试咗㖞，咁我找素真汉子当然都唔可以错过啦。😅对上一次嚟已经系上年，佢哋仲响鸿图道，同样系工厦，但系果度非常阴暗，卫生都好似麻麻。而家呢度唔使讲啦，同一层已经有其他两间素食餐厅，风水一定好好，工厦嚟讲好光猛同干净，而且算好近地铁站，交通非常方便。😊店内装修平实得嚟都有啲特色，我钟意坐佢啲户外折凳，一坐个人沉咗落去咁，好舒服，啱哂我呢啲冇腰骨嘅人。🤣一直好想试佢哋嘅寿司套餐，今次终于食到喇。卖相真系超靓，另外两枱客见到个餐都投以艳羡嘅目光。寿司味道固然唔错啦，但有食过佢哋嘅都知，其实前菜先系最有特色㖞。😉所以我选择咗可以拣五款前菜嘅套餐（另外送枝豆）。前菜嘅选择非常多，包括：💚 煮物：酱南瓜，酱冬菇，酱白萝卜，海茸，海带丝，海带结，金平牛蒡，菠菜大豆芽💚 渍物：日式昆布泡菜，柚子味白萝卜，渍紫椰菜我最钟意系酱南瓜同酱冬菇，两款都唔会太多酱汁太浓味，南瓜煮得好淋，冬菇就清清地食到菇本身嘅味道。金平牛蒡上次嚟都食过，水准依然好好。👍🏻如果钟意食酸嘢嘅朋友，就要试吓日式昆布泡菜，同渍紫椰菜，以我嘅口味标准，觉得都相当酸吓，而紫椰菜仲几辣嘅添。🥵甜