baby café (已結業)

今日又嚟到屯门，呢排去得太多屯门真系唔系好谂到食咩好。嚟到门口望一望佢个餐牌，原来转左新餐牌多左all day breakfast。反正食其他野都食到闷闷地，所以不如试下呢个新menu啦。虽然想试新野，咁都无理由叫两个all day breakfast,所以最终叫左一个all day 一个主菜。All day breakfast 都有几个组合，今次试食汉堡扒+烟三文鱼沙律+薯条+烟肉+蒜蓉法包另加粟米磨菇忌廉汤长通粉，仲要包饮品，真系好大堆头！先嚟个长通粉先，我觉得系粟米磨菇忌廉汤汤底+意粉，当佢系一个汤就差不多，长通粉嘅份量就唔算太多。至于主菜嘅肉食类望落份量都算几多，而且又薯条又蒜蓉包咁，几样野加埋都只系$59，性价比都几高。呢个价钱，当然唔可以同百几蚊一个all day breakfast 比啦！点计佢有咁多野食，点都系抵食嘅！另一个汁烧猪仔骨拼薯条要$88，猪仔骨size都算正常，不过猪仔骨嘅肉就比较少。好彩all day breakfast 𠮶边有d肉食补番下。猪仔骨嘅味道唔错嘅，薯条亦都炸得几脆。另加$15要多个是日沙律，$15嘅沙律份量就好似细左少少，如果多番少少就好d。