影片
更多
2019-12-13
156 浏览
今晚去左尖沙咀一间新开张的上楼高级日本餐厅食Omakase , 厨师发办最好系可以唔洗谂食乜 , 厨师会将最好嘅时令食材制作成美食比你 , 用餐前会问你有咩唔食 , 你只需要答唔食劣食就得了 , 之后就可准备用餐 , 没有菜单比你睇就会极期待下一个菜式系乜嘢 , 每食完一道就会好紧张咁等下一菜式带来惊喜 , 呢个就系食Omakase 嘅优点 .....$1200位系高级日本餐厅食Omakase来讲绝对唔贵 , 因为呢间用嘅材料都好讲究 , 全部都系时令最靓嘅食材 , 做法亦唔系一般刺身寿司炸物渍物等大路嘢 , 例如熟成鱼生街外唔容易食得到 , 熟成时间同温度要控制得好好 , 否则好易变质食坏肚皮 , 熟成后嘅鱼生味道更浓郁 , 更细心系鱼生系室温的 , 令鱼的油份同香味可以尽量散发出来 , 食得出极细微嘅都有考虑埋 , 真佩服师傅呢份对食物嘅热诚 , 而握寿司功夫都唔错 , 饭粒松软得来唔会一夹就散 .....刺身同寿司个人评价极高 , 无可挑剔 , 烧物就超推介烧鳗鱼 , 火候啱啱好唔过火keep到油香 , 弹牙到不得了 , 仲有烧活北寄贝 , 完全唔韧极鲜甜 , 好掂 , 其他烧鱼
今晚去左尖沙咀一间新开张的上楼高级日本餐厅食Omakase , 厨师发办最好系可以唔洗谂食乜 , 厨师会将最好嘅时令食材制作成美食比你 , 用餐前会问你有咩唔食 , 你只需要答唔食劣食就得了 , 之后就可准备用餐 , 没有菜单比你睇就会极期待下一个菜式系乜嘢 , 每食完一道就会好紧张咁等下一菜式带来惊喜 , 呢个就系食Omakase 嘅优点 .....
$1200位系高级日本餐厅食Omakase来讲绝对唔贵 , 因为呢间用嘅材料都好讲究 , 全部都系时令最靓嘅食材 , 做法亦唔系一般刺身寿司炸物渍物等大路嘢 , 例如熟成鱼生街外唔容易食得到 , 熟成时间同温度要控制得好好 , 否则好易变质食坏肚皮 , 熟成后嘅鱼生味道更浓郁 , 更细心系鱼生系室温的 , 令鱼的油份同香味可以尽量散发出来 , 食得出极细微嘅都有考虑埋 , 真佩服师傅呢份对食物嘅热诚 , 而握寿司功夫都唔错 , 饭粒松软得来唔会一夹就散 .....
刺身同寿司个人评价极高 , 无可挑剔 , 烧物就超推介烧鳗鱼 , 火候啱啱好唔过火keep到油香 , 弹牙到不得了 , 仲有烧活北寄贝 , 完全唔韧极鲜甜 , 好掂 , 其他烧鱼都有高评价 , 非常新鲜亦唔会落太多调味 , 只薄薄扫一下酱油 , 食得出原味同鲜味 , 每道菜式都有为食客细心安排次序 , 由淡味到浓味 , 互不抢味 , 值得再赞 .....
今餐 Omakase 所有食物都满意到一个点 , 尤其个𩽾𩾌鱼肝同乌鱼白子 , 口感 Creamy , 听厨师讲话个𩽾𩾌鱼肝有多重工序先做到呢个效果 , 鹅肝咁香忌廉咁滑 , 入口即溶无腥味 , 三文鱼子好鲜味唔咸 , 再加少少柚子皮带点清香 , 海胆极新鲜 , 秋刀鱼唔腥 , 蟹肉够鲜甜 , 就算一小片沙甸鱼都会完全去骨 , 师傅真系刀功了得 , 最后来个蚬肉白面豉汤作结尾 , 25道菜之后仲有餐后水果 , 日本蜜瓜啲汁多到喷出来 , 高级货成本唔平 .....
收费4位数字个晚餐食到25样嘢 , 以我对饮食有咁高要求可以话系超值 , 食材质素绝对对得住食客 , 今次食到嘅下次可能又会有唔同 , 因为佢地主张用时令食材 , 不时不食 , 期待下次再去又有新惊喜 , 厨师们又要动动脑筋了 , 今晚去到餐厅已经全Full , 新开张嘅餐厅做得好成功 , 地点都好就脚 , 就算上咗楼唔难揾 . 其实今晚一路食一路都有谷友 pm 我问边度食 , 最后张相我影埋卡片比大家睇唔洗再 pm 我了 , 有需要就自己打去问下订唔订到位啦 , 因为听讲都几爆下 , 食到好嘢一定要推介 , 真心好食 ......
张贴
